Transcription
1
Monsieur, messieurs le president de Portes et de La Tivolière mont prié accompaigner
2
celles quilz vous escripvent de la presente pour mestre trouvé en une assemblée
3
quilz ont ce jourdhuy faicte pour regarder à ce que lon pourroit entreprendre
4
contre les ennemys qui font semblant avoyr quelque dasaing à excecuter ;
5
et desià, despuys avant-hier, envyron la minuit, se sont logés à Vif, de
6
deulx à troys centz, la pluspart à cheval et le reste, qui estoit en
7
Gappensoys, descent du costé de Champsort. Ilz font bruict de vouloir
8
attaquer La Mure que je ne cuyde pas pour estre le lieu tel que jestime
9
quilz ny feront que perdre gens et temps. Jay veu ces jours passés que
10
nous y avons esté quelques ungz avec moy, le desordre qui a esté faict
11
dans ce chasteau qui est tel quilz ny ont du tout rien layssé à
12
brusler que justemant le couvert. Jespère que vous aurés contentement
13
de celluy qui est dedans. Sil vous playsoit accomoder monsieur de La
14
Tivolière de quelque nombre de gens de pied avec une partie de la cavalerye
15
qui est yci au tour, lon pourroit avoir moyen leur donner surs les
16
doitz, attendu que je cuyde quune bonne partie de leurs forces sont
17
par desça. Jay retardé mon voyage d’Anyssi jusques adce que jay sceu quel
18
succès aura prins ce faict, cependant, je vous supplie très humblemant
19
de me commander ce à quoy je seray propre pour vous fère service et je
20
vous obeyray daussi bonne volunté que je desire estre tenu en votre bonne
21
grace, à laquelle je presente mes très humbles recommandations, priant
22
le Createur vous tenir,
23
monsieur, en très bonne santé, très longue et très heureuse vye. De Grenoble,
24
le XVIIme de febvrier 1574. Votre très humble allyé et très affectionné
25
serviteur monestier